Директор

Үсенов Нұрлан Ануарбекұлы

Үсенов Нұрлан Ануарбекұлы, 1959 жылы туған, қазақ, білімі жоғары – 1981 жылы Қазақ политехникалық институтын (қазіргі Қ.И. Сәтбаев атындағы ҚазҰТЗУ, Алматы қ.) «Инженер – металлург» мамандығы бойынша бітірген. 1986-1992 жылдарда Химия-металлургия институтында (Қарағанды қ.) сырттай аспирантурада оқыды, 1992 жылы «Мыс өндірісінің мышьяк өнеркәсіптік өнімдерін өңдеудің гидрометаллургиялық тәсілінің физика-химиялық негіздерін әзірлеу» тақырыбында кандидаттық диссертациясын сәтті қорғады. 1992 жылы 3 шілдеде оған техника ғылымдарының кандидаты дәрежесі берілді.

Еңбек жолын 1981 жылы Жезқазған тау-кен металлургия комбинатында бастады, содан кейін «ДжезказганНИПИЦветмет» институтында инженер-зерттеуші қызметінде істеді. 1992-1996 жылдары «Алтыналмас» ҰАК-да бағалы металдар бөлімінің бастығы және бас металлург лауазымында жұмыс істеді. 1996 жылдан 2002 жылға дейін «Иналмаззолото» АҚ президенті қызметін атқарды. Бұдан әрі «Ақбақай ТКБК» АҚ, «Марум Жар Голд» ЖШС және «Жетысугеомайнинг» ЖШС қоса алғанда, бірқатар алтын өндіруші компанияларда бас технолог және бас металлург лауазымдарын атқарды.

2014-2016 жылдары «Алтыналмас» АҚ-да сапаны бақылау бөлімі бастығының орынбасары, бас технолог болып жұмыс істеді. 2017 жылы – Металлургия және байыту институтының жетекші ғылыми қызметкері. 2018-2025 жылдары «Khan Tau Minerals» ЖШС-де технолог, кейін бас технолог лауазымында жұмыс атқарды.

Нежданинский (Ресей), Бакырчик, Ақбақай, Светинское, Жарқұлақ, Еңбекші, Тасқара, Далабай, Жоғарғы Андасай кен орындарында алтынқұрамды кендерді өңдеу бойынша ғылыми-зерттеу және жобалау жұмыстарына қатысты. Мына технологияларға маманданған: күйдіру, бактериялық және үйінді шаймалау, флотация, гравитация, циандау, циандаусыз технология, «пульпадағы көмір».

45-тен астам ғылыми еңбектердің авторы. Жаңа технологиялар мен жабдықтарды (Knelson, Falcon ортадантепкіш аппараттар, Gemini столы, электролизге арналған анодтар және т.б.) енгізу, сондай-ақ бағалы металдардың баланстарын жасау, ҒЗЖ ұйымдастыру, мыс және алтын өндіру өнеркәсібіндегі өндірістік процестерді оңтайландыру және т.б. тәжірибесі бар.

Қазақ, орыс және техникалық ағылшын тілдерін меңгерген.

2025 жылдың 7 сәуірден «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК Бас директорының бұйрығымен Н.А. Үсенов «ҚР МШКҚӨ ҰО» РМК-ның «Қазмеханобр» мемлекеттік өнеркәсіптік экология ғылыми-өндірістік бірлестігі» филиалы директоры лауазымына тағайындалды.

 ____________________________________________________________________________