Ғалым  хатшы

Кенеспаева Лаура Байырбекқызы, 1981 жылы туған, қазақ, білімі жоғары, 2002 жылы әл-Фараби атындағы Қазақ ұлттық университетін «География және экология пәнінің оқытушысы» мамандығы бойынша, 2004 жылы әл-Фараби атындағы Қазақ ұлттық университетінің «Герграфия» мамандығы бойынша магистратурасын үздік бітірген және 2019 жылы әл-Фараби атындағы ҚазҰУ География және табиғатты пайдалану факультетінің география, жерге орналастыру және кадастр кафедрасы жанындағы докторантураны «География» мамандығы бойынша бітірген.

2025 жылы «6D060900 – География» мамандығы бойынша «Алматы қаласының қалалық орта сапасының аумақтық дифференциациясын бағалау» тақырыбында докторлық диссертациясын (PhD) сәтті қорғады.

Кәсіби қызметі 2005 жылы Қазақ мемлекеттік қыздар педагогикалық институтының Жаратылыстану-география факультетінің география кафедрасының оқытушысы қызметінен басталды, онда 2007 жылға дейін жұмыс істеді. 2007-2008 жылдары әл-Фараби атындағы Қазақ ұлттық университетінің география факультетінің экономикалық және әлеуметтік география кафедрасының маманы қызметін атқарды. 2008 жылдан 2009 жылға дейін сол факультетте кафедра ассистенті ретінде жұмысын жалғастырды.

2009-2012 жылдар аралығында әл-Фараби атындағы ҚазҰУ-де экономикалық, әлеуметтік және саяси география кафедрасының оқытушысы болып жұмыс істеді. 2012 жылдан қазіргі уақытқа дейін әл-Фараби атындағы ҚазҰУ География және табиғатты пайдалану факультетінің география, жерге орналастыру және кадастр кафедрасының аға оқытушысы қызметін атқарады.

2015 жылдан 2020 жылға дейін оқытушылық қызметімен қоса әл-Фараби атындағы ҚазҰУ-дың жанындағы Ғылыми-технологиялық паркте ғылыми қызметкер жұмысын да ұштастырды. 2023 жылдан әл-Фараби атындағы ҚазҰУ жанындағы геодемографиялық және әлеуметтік-экономикалық зерттеулер зертханасының аға ғылыми қызметкері ретінде ғылыми қызметін жалғастыруда.

Қазіргі уақытта экономикалық және әлеуметтік география саласында ғылыми қызметтін жалғастыруда. Зерттеудің негізгі бағыттарына халықтың аумақтық ұйымдастырылуы, геоурбанистика, әлеуметтік-демографиялық процестер және Қазақстан Республикасындағы халықтың өмір сапасы кіреді. Монографияларды, оқулықтарды, оқу құралдарын, рецензияланатын басылымдардағы мақалаларды, сондай-ақ авторлық куәліктерді қоса алғанда, 80-нен астам ғылыми жарияланымдардың авторы болып табылады. Бірқатар ғылыми мақалалар Scopus дерекқорында индекстелген жоғары рейтингтік журналдарда жарияланған. Scopus бойынша Хирш индексі (h - index) 3.

Қазіргі уақытта орнықты даму мен кеңістіктік жоспарлаудың өзекті міндеттерін шешуге бағытталған бірқатар ғылыми жобаларды іске асыруға белсенді қатысуда. Жауапты орындаушы ретінде AP19677682 «Қазақстан Республикасының ірі қалаларының тұрақты дамуын кешенді географиялық бағалау» МФ іргелі жобасын орындауға қатысады (2023-2025). Сондай-ақ, «Жасыл даму контекстінде Батыс Қазақстан өңірінің табиғи-шаруашылық және әлеуметтік-экономикалық жүйелерінің тұрақты дамуы: кешенді талдау, тұжырымдама, болжамдық бағалау және сценарийлер» (2023-2025) BR21882122 БНҚ қолданбалы ғылыми жобасының орындаушысы.

2024 жылдан «Тұрақты даму контекстінде Солтүстік Қазақстан облысының аумағын табиғи-шаруашылық жайластыру үшін шешімдер қабылдауды қолдау жүйесін құру» BR24993222 БНҚ қолданбалы жобасы шеңберінде «Еңбек ресурстары» бағытын басқарады (2024-2026).

Сондай-ақ, «6В05205-география» білім беру бағдарламасының үйлестірушісі және әл-Фараби атындағы ҚазҰУ базасында «География» секциясы бойынша республикалық оқу-әдістемелік кеңестің (РӨӘК) техникалық хатшысы.

Л. Б. Кенеспаева отандық білім мен ғылымды дамытуға қосқан ерекше үлесі және әл-Фараби атындағы Қазақ ұлттық университетінің дамуына белсенді қатысқаны үшін 2024 жылы әл-Фараби атындағы ҚазҰУ ректорының «Құрмет грамотасымен» марапатталған.

2025 жылдың 4 тамызынан Л.Б. Кенеспаева Қазмеханобрдың Ғалым хатшысы болып тағайындалды.

 ____________________________________________________________________________