_____________________________________________________________________________________ 

21.07.2018

КАЗМЕХАНОБРде кәсіби мейрам - Металлургтер күнін тойлау!

Қазақстан Республикасында шілденің үшінші жексенбісі күні кәсіби мейрам - Металлургтер күні тойланады.

2015 жылдан бері Казмеханобрде аталған кәсіби мейрамды табиғат аясында атап өту дәстүрге айналған.

2018 жылдың 21 шілдесінде Филиал басшылары және ұйымдастыру комитеті Қаскелең шатқалында көркем табиғат аясында орналасқан - «Электрон» демалыс базасына кезекті корпоративтік сапар ұйымдастырды.

Ұжымды кәсіби мейрамымен  «ҚР МШКҰ ҰО» РМК «Казмеханобр» МӨЭҒӨБ филиалының директоры - Серікбол Тілеулесұлы Шалғымбаев құттықтады, жылы лебіздер айтып бұдан бұлай үлкен табыстарға жете беруге тілектестік білдірді.

Металлургтер күнін тойлау бағдарламасына салтанатты түрде Құрмет грамоталарын тапсыру, адал еңбек атқарып жүрген қызметкерлерге Алғыс айту, сыйлықтар берумен әртүрлі конкурстар мен ойындар, спорттық сайыстар өткізу іс-шаралары кірді.

Табиғат аясындағы таңғы ас, палау және кәуаппен түскі ас және түстен кейінгі аста Металлургтер күніне арнап құрылымдық бөлімшелердің жетекшілері және басшылар тарапынан ізгі тілектер айтылды. Үстел басында айтылатын әндер шырқалып, әңгімелер айтылды. Белсенділер сұрақ-жауап сайысын өткізді.

Соңында демалыс тамаша өткендіктен, қызметкерлердің көңіл-күйлері де көтеріңкі болды.

Табиғат аясында ұйымдастырылған Металлургтер күні қызықты өтті!

Төменде демалыста түсірілген фотосуреттер назарларыңызға ұсынылады.