_____________________________________________________________________________________ 

06.02.2021 ж.

Виталий Анатольевич Олейниковтың 60 жасқа толу мерейтойы!

2021 жылдың 26 ақпанында «ҚР МШКҰ ҰО» РМК филиалы «Қазмеханобр» МӨЭҒӨБ асыл металдар зертханасының 5 разрядты муфельші-балқытушысы Виталий Анатольевич Олейников 60 жасқа толды.

Виталий Анатольевич 1978 жылы орта мектепті бітірген соң, С.М. Киров зауытында токарь болып жұмыс істеді.

Еңбек жолын В.А. Олейников 1988 жылдың маусым айында «Казмеханобр» МӨЭҒӨБ-де жүргізуші болып бастады. 1993 жылдан бастап 20 жыл бойы тәжірибелік-өндірістік цехында ұсақтаушы болыр жұмыс істеді. Цехта жұмыс атқару кезеңінде Виталий Анатольевич цехтағы барлық ұсақтауыштарда технологиялық сынамаларды өңдеу және дайындаудың барлық әдістерін меңгерді және өзін жауапты қызметкер ретінде көрсетті.

2013 жылдың шілдесінен бүгінгі күнге дейін, асыл металдар зертханасының 5 разрядты муфельші-балқытушысы болып жұмыс істейді.

АМЗ жұмыс істеген кезеңде В.А. Олейников құрамы әртүрлі сынамалардың сынамалық-гравиметриялық саралауын орындау барысында купеляция және балқыту әдістерін меңгерді. Технологиялық зерттеулердің қорытындысы саралауларды жасау анықтығына байланысты. Ол орындаған саралаулар Қазақстан Республикасының көптеген кеніштерінің алтынқұрамды кендерін қайта өңдеу технологиясын әзірлегенде пайдаланылды. Соңғы 5 жылда 3 жаңа өнеркәсіптік кәсіпорын салынып пайдалануға берілді және олардың технологиясын әзірлегенде Виталий Анатольевич орындаған саралаулар қолданылды. Олар Жалтырбұлақ және Васильевское кеніштеріндегі үйінді шаймалау учаскелері және Жалтырбұлақ кенішіндегі қаныққан шайырды қайта өңдеу цехы. «Монтерра Казахстан» ЖШС, Қаратас, «ГМК Казахалтын» АҚ, «Кварцитовые горки» АҚ т.б. кеніштердің сульфидті кендерін байыту өнімдерінің саралауын орындады.

В.А. Олейников 60 жасқа толу мерейтойына орай және көп жылғы жемісті еңбегін ескере отырып «Қазақстан Республикасының минералдық шикізатты кешенді ұқсату жөніндегі Ұлттық Орталығы»» РМК Құрмет грамотасымен және ақшалай сыйлықақымен марапатталды.

Мерейтойыңызбен, Виталий Анатольевич!

   ______________________________________________________________________________________

Алдыңғы бетке қайта оралу